349.Mwathani wakwa, mbakaniria tawa

1. 

Mwathani wakwa, mbakaniria tawa
Mpumitwe nyuma i muundu jumwingi
Mbere irundu bikari ja maiga
Naaria anthû bakwa bambeteerete. 

   Itu ndakwerenca ütüme müraika
   Ngikinya nao mbithire bamaami
   Nkoro-ne yakwa ntikaigue üguaa.


2. 

Nyomba iji yaku waakire na ûkia
Ucigirîîtue ni ooragani
Nagwe ukimiaka ugwete ïota
Waaragia ruteto rûkoombana
Niwaaruire ndua yarî înene
Nabo anene ba nthi bagigukira
Kinya gwa nkoma niwaakirirwe.

3. 

Guti ücamba bükürükite bwaku,
Gütî ûng'entu bükürüka bwaku;
Nthiraga uguaa ni kumenya bwega,
Nthingatîte ncamba îrî ûrûme
Kinya jakeeja jamega na jamai
Ngwata jamega na nkoomba jamai
Mbunage maru nkauga ni bwega.

4.

Ndakinya kuu ndeethîîre akuujî,
Nani ngituîka müküûjî ûmwe;
Ndeethira akuru nani nkĩa mukurû
Ndeethira aana ndiraa mwana
Keethira üntûbüûno bwee mugundu
Nimbiji bwega kuu ti kwenda gwaku
Buu ni wendo bwa urĩa muûî.

5.

Ndeejire gwaku ûkimbonia mwanka
Jüria jüthiürükîte nja yaku
Na ügicoka ükîmbonia mawatho
Ûria ütüüraga kuu nja yaku
Kenda ntikeeje kügwata kothüüku
Tontu wanugire müthithia jamai
Uu ni mwana wa ûrîa müüi.

6. 

Rügendo rürûrwakinya müthia
Nimbiji bwega nkagwirua mono
Metho jakwa najo jaraithiriirie
Uria ndeerirwe ati ngaacioonera
Mawirane jonthe ka jakoojûrua 
Ja baria aagîru batuure na thîîri
Nkoro-ne ciao inogokete.

Comments

Popular posts from this blog

338. Isiraeli nibaandemire,

337. Aana ba Isiraeli riria baari Misiri

339. Naringithirie mîtumbi ya nguû