353. NINGWIRAGUA NI MURUNGU

 1. 

Ningwiragua ni Murungu
Tontũ naambîtîîre mwoyo
Ndaarikia maathana jawe
Na nkuagaya ya Mwathani.

   Mwari kinyaga na inya
   Mutana kinya na inya
   Uri ngûgi-ne ya Mwathani
   Ûtikaricookerwa i nthao.


2. 

Na riria ndoona magerio
Nciigikeenie na Mwathani
Magerio jatimpuümbikia
Ngakaagira Mwathani.

3. 

Shaitani uri wa rũûgo
Nkwingaga o ügicookaga
Ndiîkira nkoro nkuburi
Mwathani akare ku wenka.

4. 

Kuri na mbiti urîîthi-ne
Itaraniritue na ng'ondu
Mukarii jwayo i ja ng'ondu
Na kwania îrîania o ta ng'ondu.

5. 

Mügendi imenyeere
Mbiti iu niyo Shaitani
Īrijaga antũ kimumunyo
Na yuumbagwa na maromba

6. 

Nagwe ûkeeja gûtaangania
Ūkaaûrîra maagati-ne
Rungama bwega ta îtumo
Ûrî rûteere rwa Mwathani.

7. 

Na wona ngitang'atang'a
Ûtîkareeke ndingana nthĩ
Ûmbigîke na maromba
Twinthe turi ba Mwathani.

8. 

Tiga kümbîta wa nkoma
Murungu akagiita igamba
Menyeera atigakwithîre
Ûri na rumena na muntu.

9. 

Na woombana rügendo-ne
Mwoyo jwa kenya na kenya
Ûkaeewa ni Murungu
Thiria nkanja rügendo-ne.

Comments

Popular posts from this blog

338. Isiraeli nibaandemire,

337. Aana ba Isiraeli riria baari Misiri

339. Naringithirie mîtumbi ya nguû